लोकसभेच्या ६ जागा लढवणार : राजू शेट्टी

कोल्हापूर : राज्यातील सत्ताधारी आणि विरोधी अशा दोन्ही आघाड्यांवर नाराजी व्यक्त करीत स्वाभिमानी शेतकरी संघटनेचे नेते माजी खा. राजू शेट्टी यांनी लोकसभेच्या 6 जागा लढवण्याची घोषणा केली.
यावेळी राजू शेट्टी म्हणाले राज्यातील महाविकास आघाडीचे धोरण शेतकरी विरोधी होते तर महायुतीने दुसरे पक्ष फोडण्याकडेच अधिक लक्ष दिले.
शेतकऱ्यांना आणि सर्वसामान्यांना न्याय मिळवून देण्यासाठी स्वाभिमानी शेतकरी संघटना राज्यातील लोकसभेच्या ६ जागा लढवणार असून यामध्ये कोल्हापूर जिल्ह्यातील हातकणंगले पुणे जिल्ह्यातील माढा यासह यापूर्वी संघटनेने लढवलेल्या आणि शेतकरी संघटनेचे कार्यकर्ते आणि मतदार असलेल्या जिल्ह्यातील जागा लढावणार आहे. शेतकरी संघटनेची चळवळ ही सुरूच राहणार असल्याचे त्यांनी स्पष्ट केले