वीरेंद्र मंडलिकांच्या छत्रपती घराण्यावरील टीकेने नवा वाद

कोल्हापूर : लोकसभा निवडणुकीत विरोधी उमेदवार असलेले कोल्हापूरच्या छत्रपती शाहू महाराज यांच्यावर महायुतीकाढून शिंदे गटाचे उमेदवार संजय मंडलिक यांनी छत्रपती घराण्यावरच टीका करण्याचे सूत्र अवलंबले आहे. त्यांनी शाहू महाराजांच्या दत्तक विधानावरच प्रश्न उपस्थित करून वाद निर्माण केला. त्याही पुढे जाऊन संजय मंडलिक यांचे सुपुत्र वीरेंद्र मंडलिक यांनी छत्रपती घराण्याला टिकेचे लक्ष्य केले आणि नवा वाद निर्माण केला.
या घराण्याने आतापर्यंत काय केलं? राजर्षी शाहू महाराजांच्या नावाला साजेस कोणतं काम सध्याच्या छत्रपती घराण्यांना केलं आहे असा प्रश्न विचारून त्यांना एखादा उद्योगही उभारता आला नाही. असे वादग्रस्त विधान वीरेंद्र मंडलिक यांनी केलं.
महायुतीचे उमेदवार विद्यमान खासदार संजय मंडलिक यांच्या प्रचारासाठी त्यांचे पुत्र वीरेंद्र मांडलिक यांची कागलमध्ये प्रचारसभा झाली. या प्रचार सभेमध्ये शाहू कारखान्याचे अध्यक्ष समरजीत सिंह घाटगे अध्यक्षस्थानी होते. जे काही केलं ते कागलच्या घाटगे घराण्यानं केलं अशी कागलकर घाटगे घराण्याची स्तुती ही त्यांनी केली.
समरजीत घाटगे यांच्यासह महायुतीचे कागलचे अनेक नेते या प्रचारार्थ व्यासपीठावर उपस्थित होते. या व्यासपीठावरून बोलताना वीरेंद्र मंडलिक यांनी छत्रपती घराण्यावर थेट टीका केली. ते म्हणाले सध्याच्या छत्रपती कुटुंबाने राजर्षी शाहू महाराजांच्या नावाला साजेस कोणतच काम केलेलं नाही. त्यांनी त्यांना एखादा उद्योगही उभा करता आला नाही जे काही केलं ते शाहू महाराज यांच्या जनक घराण्याचे विक्रमसिंह घाटगे आणि त्यांच्या पश्चात समरजीत घाटगे यांनीच केलं आहे. सध्याच्या छत्रपती घराण्याला राजर्षी शाहू महाराजांच्या नावाने एखादा उद्योगही सुरू करता आला नाही तसेच 12 ते 15 वर्ष बंद पडलेली शाहू मिल देखील त्यांना सुरू करता आली नसल्याचा आरोप केला.आणि राजर्षी शाहू महाराजांचे खरे जनक वारसदार समरजीत घाटगे तुम्हीच आहात असेही वक्तव्य केले. आता याचे पडसाद कसे पडतात हे दिसणार आहे.