काँग्रेसच्या उमेदवारांचे एकत्र शक्ती प्रदर्शन करीत अर्ज दाखल
कोल्हापूर : कोल्हापूर दक्षिण मधून ऋतुराज पाटील, कोल्हापूर उत्तर विधानसभा मतदारसंघातून मधुरिमाराजे छत्रपती, करवीर मतदारसंघातून राहुल पी. पाटील व हातकणंगले मतदारसंघातून राजूबाबा आवळे यांनी महाविकास आघाडीचे उमेदवार म्हणून आपला उमेदवारी अर्ज आदरणीय खासदार शाहू छत्रपती महाराज आणि आ. सतेज पाटील यांच्या उपस्थितीमध्ये दाखल केला.
दसरा चौकातून जिल्हाधिकारी कार्यालयाकडे निघालेल्या या रॅलीत जिल्हयातून आलेल्या महाविकास आघाडीतील घटक पक्षाच्या नेत्यांसह कार्यकर्ते उत्स्फुर्त सहभागी झाल्याने
रॅलीला भव्य स्वरूप आले होते.
या कार्यकर्त्यांचा जल्लोषी सहभागातून महाविकास आघाडीच्या उमेदवारांच्या विजयाचे संकेत निर्माण झाले.
यावेळी माजी आमदार मालोजीराजे छत्रपती, डॉ. संजय डी. पाटील जी, माजी खासदार जयवंतराव आवळे जी, आमदार जयंत आसगावकर, आर. के. पोवार, संजय पवार, संदीप देसाई, डॉ. चेतन नरके यांच्यासह गटनेते शारंगधर देशमुख, राष्ट्रवादीचे आर. के. पोवार, शिवसेना शहर प्रमुख रवी इंगवले, सुनील मोदी, आपचे संदीप देसाई, डी.जी. भास्कर, अतुल दिघे, जि.प. माजी उपाध्यक्ष शशिकांत खोत, गोकुळचे संचालक चेतन नरके, बाबासाहेब चौगले, शशिकांत पाटील, प्रकाश पाटील, यांच्यासह दिलीप पवार, सरलाताई पाटील, बबनराव रानगे, बाबूराव कदम, बाबासाहेब देवकर, क्रांतिसिंह पवार-पाटील, कॉ. रघुनाथ कांबळे, इंडिया आघाडी, महाविकास आघाडीतील सर्व घटक पक्षांचे नेते, पदाधिकारी, सर्व माजी नगरसेवक सहभागी झाले होते.
