“फार्मसी + IT : करिअरची नवी दिशा” – प्रा. मनोहर केंगार
“फार्मसी + IT : करिअरची नवी दिशा” – प्रा. मनोहर केंगार
फार्मसी क्षेत्राचा विस्तार फक्त मेडिकल स्टोअर किंवा प्रॉडक्शनपर्यंत नाही राहिला; सध्याच्या डिजिटल युगात फार्मसी पदवीधारकांसाठी IT मध्ये मोठ्या प्रमाणावर करिअरच्या संधी उपलब्ध होत आहेत. डेटा अनालिसिस, मेडिकल रिपोर्टिंग, मेडिकल कोडिंग, क्लिनिकल डाटा मॅनेजमेंट, इलेक्ट्रॉनिक हेल्थ रेकॉर्ड सिस्टम, फॉर्मुलेशन सॉफ्टवेअर, आणि R&D सोल्युशन्समध्ये फार्मासिस्टची गरज वाढली आहे. अनेक IT कंपन्या हेल्थकेअर आणि फार्मास्युटिकल डेटा सिस्टीमवर काम करतात ज्यासाठी त्यांना औषधज्ञान असलेले प्रोफेशनल्स आवश्‍यक असतात.
फार्मसी विद्यार्थ्यांना जर बेसिक IT ज्ञान (जसे SQL, Excel, Healthcare software, Pharmacovigilance tools, Python basics) असेल तर ते Clinical Data Analyst, Pharamacovigilance Associate, Drug Safety Officer, Medical Writer अशा पदांसाठी निवडले जाऊ शकतात. आज अनेक फार्मसी पदवीधर डेटा सायन्स किंवा हेल्थ इन्फॉर्मेटिक्स कोर्स करून IT क्षेत्रात उत्तम पगाराच्या नोकऱ्या मिळवत आहेत. या क्षेत्रात कामाचा स्ट्रेस तुलनेने कमी असून रिसर्च ओरिएंटेड व कामाच्या निश्चित वेळा असतात हीसुद्धा एक आकर्षक बाब आहे.
श्री संतकृपा कॉलेज ऑफ फार्मसी, घोगाव मध्ये विद्यार्थ्यांना या नव्या करिअर संधीची माहिती देण्यासाठी विशेष मार्गदर्शन सेशन्स, वेबिनार आणि स्किल-बेस्ड वर्कशॉप्स घेतले जात आहेत. IT क्षेत्रातील फार्मासिस्टची मागणी दिवसेंदिवस वाढत आहे आणि म्हणूनच फार्मसी विद्यार्थी केवळ परंपरागत जॉबपेक्षा या नव्या डिजिटल हेल्थकेअर क्षेत्रात सामील होण्याचा विचार करू शकतात. ही दिशा नक्कीच त्यांना जागतिक पातळीवर संधी देणारी ठरू शकते.
