कोल्हापूरात रंगणार ‘सन मराठी’ प्रस्तुत ‘मेळा मनोरंजनाचा’
कोल्हापूर – ‘सन नेटवर्क’ची ‘सन मराठी’ वाहिनी कोल्हापूरकरांसाठी ‘मनोरंजनाचा मेळा’ भरवणार आहे.१० डिसेंबर रोजी कोल्हापूर येथील प्रिन्सेस पद्माराजे गर्ल्स हायस्कूल येथे सायंकाळी ५ वाजता आयोजित केलेल्या या कार्यक्रमात संगीत, नृत्य असा मनोरंजनाचा नजराणा असणार आहे.
मराठी सिनेसृष्टीतले आघाडीचे कलाकार प्रेक्षाकांच्या या कार्यक्रमात मनोरंजनासाठी सज्ज झाले आहेत. सोनाली कुलकर्णी, हर्षदा खानविलकर, मीरा जगन्नाथ, रोहित राऊत, मीरा जोशी, सोनाली पाटील, संदीप पाठक, कविता राम यांचे दिमाखदार कलाविष्कार या कार्यक्रमाला नक्कीच रंगत आणतील‘. याच सोबत सन मराठी वाहिनीच्या लोकप्रिय मालिकेतील कलाकारांना प्रत्यक्ष भेटण्याची संधी सुद्धा कोल्हापूरकरांना मिळणार आहे.
‘सन मराठी’ प्रस्तुत ‘मेळा मनोरंजनाचा’ या मनोरंजनाच्या कार्यक्रमासाठी कोणतेही शुल्क आकारण्यात आलेले नसून प्रेक्षकांसाठी प्रवेश विनामूल्य असेल.
