कृष्णात खोत यांच्या ‘रिंगाण’ ला साहित्य अकादमी पुरस्कार

  कृष्णात खोत यांनी रिंगाण या कादंबरीत मध्ये विस्थापितांच्या जगण्याचं चित्रण केलं आहे. रिंगाण ही कादंबरी २०१८ मध्ये प्रकाशित झाली होती. कृष्णात खोत यांच्या यापूर्वी ‘गावठाण’ (२००५), ‘रौंदाळा’ (२००८), ‘झड-झिंबड’ (२०१२), ‘धूळमाती’ (२०१४) कादंबऱ्या प्रकाशित झालेल्या आहेत. तर, ‘नांगरल्याविन भुई’ (२०१७) हा व्यक्तिचित्रणांचा संग्रह प्रसिद्ध आहे. याशिवाय त्यांनी काही कथाही लिहिल्या आहेत.
कृष्णात खोत प्रतिक्रिया देताना म्हणाले की पर्यावरणाबरोबर चाललेल्या मानवाच्या युद्धात मानवाचा पराभव अटळ आहे. विस्थापितांच्या आवाजची नोंद रिंगाण या कादंबरीच्या माध्यमातून घेण्यात आली आहे. या पुरस्कारामुळं भारतीय पातळीवरचा एक साहित्यिक म्हणून ओळख झाली. शेसव्वाशे घरांच्या निकमवाडी सारख्या वाडीतून देशाच्या राजधानीत आपल्या लेखणीची नाममुद्रा उमटवणारा लेखक या पुरस्कारामुळं होता आलंय.